عبرت الفنانة نشوى مصطفى عن حزنها لرحيل زوجها، بكلمات مؤثرة.

وكتبت عبر حسابها الشخصي بموقع التواصل الاجتماعي، فيس بوك، قائلة: “سترتنى ربنا يسترك.. اكرمتنى ربنا يكرمك.. سيبت لى أجمل هدية ولادنا ربنا يهاديك بالفردوس الأعلى “.

وتابعت: “”٣٣ سنة ستر وكرم ومحبة ومودة ورحمة.. علمتنى ازاي أكون من المتصدقين.. علمتنى ازاي اكون دايماً فى معية الله.. علمتنى ازاي تكون عزة النفس.. علمتنى ازاي اتسامح حتى مع اللي اذانى.. علمتنى ازاي أتوكل على الله فى كل شئونى.. علمتنى ازاي اكرم ضيفى.. علمتنى معنى التواضع مع عباد الله الضعفاء””.

واختتمت قائلة:” “يا نبيل الأخلاق ياابن الاصل العالى نسيت تعلمنى ازاي أقدر أعيش من غير وجودك.. ٣٣ سنة مبعدناش عن بعض لحظة.. ٣٣ سنة ذكريات وحياة بحلوها ومرها.. ٣٣ سنة كنت خير زوج وخير أب.. ٣٣ سنة اكرمتنى وسترتنى وجبرت خاطرى وربيت عيالنا احسن تربية.. ليه ياعماد سيبتنى لوحدى كده – مااستاهلش منك تسيبنى لوحدى ده انا مبعرفش اعمل حاجة فى الدنيا – انت اللي كنت بتعمل لنا كل حاجة – انت اللي سندتنى فى كل ظروف حياتى الصعبة — فى شدتى وفى مرضى شيلتنى وطبطبت عليا – ياااااه على غلاوتك ياعشرة عمرى — يااااااه على غلاوتك ياابويا واخويا وحبيبى وجوزى وابنى — باموت ياعماد — باموت وانت مش قدام عينى — حاكمل ازاي يارب من غيره.. ادعو له بالرحمة وادعولى بالصبر وادعو لولادى بالصبر والثبات””.

وكانت الفنانة نشوى مصطفى، قد أعلنت صباح السبت الماضي عن وفاة زوجها، عبر حسابها على فيسبوك، وكتبت: “” اللي بيحب ربنا يجي يصلي صلاة الجنازة على زوجي ونور عيني وحبيبي وستري وأبو ولادي””.

وأضافت “” تعالوا والنبي مسجد حسن الشربتلي صلاة الضهر، أبوس إيديكم عايزة ناس كتير تيجي والنبي.. الله يراضيكم تعالو كلكم، ادعوا له بالرحمة وادعولي أنا وولاده بالصبر والثبات””.